Słuchaj Radia Kaszebe
    Jinfòrmacëje no image

    Opublikowano 11 września, 2013 | przez n.landowska

    0

    Klëka 2013.09.10 (csb)

    1. W Kòsakòwie kòl Gdynie zaczãłë sã robòtë przë bùdacje nowégò gimnazjum. Jinwesticjô bãdze kòsztac 32 miliónë złotëch.
    2. Grafiti, nalémczi, nôdpisë na dreptakach – brzëmi jak dzejalnota wandalów, ale wszëtkò mô na célu wëbùdzëc wëstrzód lëdzy kaszëbską nôrodną swiądã.
    3.  Kaszëbi corôz czãsczi chcą słëchac nowòmódny mùzyczi pò kaszëbskù – òbtaksowùją ùtwórcowie ë mùzyczné karna

    Radio Kaszëbë, 17.55

    Wtórk, 10 séwnika

    WłudzikW Kòsakòwie zaczãłë sã robòtë przë bùdacjë nowégò gimnazjum. Wicy jak 400 sztëk nowich ùczniów zacznie w nim ùczbë ju w przidnym szkòłowim rokù. Jinwesticjô bãdze kòsztac wnetka 32 milionë złotëch. Òkróm didakticznégò bùdinkù, bãdze tam spòrtowô zala, basen, a téż bòjiszcza spòrtowé. Samòrządzëna planowa bùdacjã gimnazjum ju òd czilë lat. Przëczëną są tôkle ze zmieszczenim ùczniów w môlowëch szkòłach. Gmina Kòsakòwò je jedną z gminów, w jaczi rekòrdowò zwiãksziwô sã lëczbã mieszkeńców. Dlôte pò zrealizowanim jinwesticje – do Kòsakòwa òstónie przecygniãté donychczasowé gimnazjum ze wsë Mòstë – gôdô wójt Jerzi Włudzyk. Gimnazjum bãdze fardich ju w séwnikù przidnégò rokù. Równak na basen, zalã ë bòjiszcze ùczniowie bãdą żdac do zymkù 2015 rokù.

    grafitiGrafiti, nalémczi, nôdpisë na dreptakach – brzëmi jak dzejalnota wandalów, ale wszëtkò mô na célu wëbùdzëc wëstrzód lëdzy kaszëbską nôrodną swiądã. Òd czilë tidzéniów na Kaszëbach mòżnô ùzdrzec niezwëczajné zjawiszczë. W tunelach pòd przëstankama, na banowiszczach ë na sztrasach pòkôzałë sã grafiti z tekstã „Gòdnik ’70 – nie zabądzemë”, malënczi z kaszëbsczim grifã, czë żółté nôlémczi z nôdpisã „Gadôj pò kaszëbskù”. Nicht nie wie, chto stoji za tą dzejalnotą. Naszim repòrterom równak ùdało sã nalézc łączbã z karnã tich młodëch, niezrzeszonëch z niżôdną stowôrą dzejarzów kaszëbsczich, chtërni pòdsztrichniwają, że nie robią tegò, cobë szpecjalno niszczëc pùbliczną gwôsnosc, le cobë na dosc kòntrowersjowi ôrt zachãcëc lëdzy do ùtożsamianiô sã do tegò, że sa Kaszëbama ë bë nie sromalë sã gôdac w swòji rodny mòwie w pùblicznych môlach. – To je nasz przédny cél: pòkazac starszim lëdzom, chtërni w dzecnych latach dërch gôdalë pò kaszëbskù, ze chcemë, bë robilë to nazôd. Në ë chcemë, cobë tak jak 50 lat nazôd, kaszëbsczi béł pierszim jãzëka Kaszëb. Zajinspirowalë sã jesmë sorbama z Niemców, chtërni ju rëchli sã tim zajimalë. – gôdô jedna z personów zajimującëch sã tim sztrasowim kùnsztã. Młodi nie chcą pòdawac swòjich nôzwestków z pòdrzatkù na to, że takô dzejalnota je zakôzanô w pòlsczim prawie. Równak, czë taką dzejalnotã mòżnô pòrównywac z bezszëkòwimã malënkama na mùrach czë drëptakach, jaczé robią sztrasowi wandale?

    fucusTo béł sezón dlô mùżycznych karnów z Kaszëb. Serca òbzérników pòdbilë miedzë jinszima Kaszëbsczi Jidole, fejrującé 10 lat bëtnoscë karno Fucus ë zwëskiwający corôz wikszą widzałosc kabaret Kùńda. Karno Fucus w tim rokù fejruje 10 lat bëtnoscë na binie. Jubileùszowi kòncert bãdze za miesąc w Wejrowie.

    Udostępnij: Share on Facebook0Share on Google+0Print this pageEmail this to someone

    Tagi: , , , , ,


    O zespole



    Komenatrze wyłączone.





    Back to Top ↑