Jinfòrmacëje

Opublikowano 10 wrzesień, 2013 | przez Pioter Cëskòwsczi

0

Klëka 2013.09.10 (csb)

1. Mieszkeńcë Kòscérznë mògą zgłôsziwôc swòjé bédënczi tikające sã jinwesticjów, jaczé bãdą realizowóné w przidnym gardowim pieniãżnym ùstôwkù.
2. Zakôz łowieniégò slédzów dlô rëbôków do kùńca tegò rokù wprowôdzëło Minysterstwò Gbùrstwa.
3. Wicy jak 100 dozéraczków z Pòmòrzégò witro wezmie ùdzél w òglowòpòlsczim protesce w Warszawie.

Radio Kaszëbë, 11.55

Wtórk, 10 séwnika

Mieszkeńcë Kòscérznë mògą zgłôsziwôc swòjé bédënczi tikające sã jinwesticjów, jaczé bãdą realizowóné w przidnym gardowim pieniãżnym ùstôwkù. Wëszëznë rôczą mieszkeńców na pòtaknié w nôblëższi czwiôrtk. Òb czas pòtakniô òstóną zaprezenterowóné dokôzë łońsczégò rokù, a téż przedstôwióné bedénczi na 2014 rok. Kòżdi z mieszkeńców bãdze mógł zgłosziwôc swój bëdénk, co do zadaniów realizowónëch bez gard w nôblëższich latach – zapòwiôdô Bùrmiéster Kòscérznë Zdzisłôw Czucha.  Pòtkaniô pòd titlã „Chcemë pògadac ò dëtkach Kòscérznë” bãdze w nôblëższi czwiôrtk w zalë Lubòmira Szopińsczégò ò gòdzënie 5 pò pôłnim.

Rëbôcë do kùńca rokù ni mògą łowic slédzów. Zakôz wprowôdzëło Minysterstwò Gbùrstwa. Przëczëną je kùńc kwotów łowieniégò w pòlsczim państwie. Latos naji rëbôcë na Centralnym Bôłce mòglë wëłowic wnetka 21 tësãcy tonów slédzów. Prawò do łowieniégò dano szescset òddzélom. Łowienié wiedno kòntrolëje Eùropejskô Kòmisjô. Na spòdlim pòdôwków z kùtrów, je wiedzec, że z zôczątkã séwnikã pòlsczi dzél bôłtowégò limitu sã skùńczëł. Rëbôkom do kùńca rokù òstało łowieniô blós bretlingów. Chcemë dodac, że w przidnym rokù limit na slédze dlô rëbaków z pòlsczégò państwa mô bëc wëższi ò wnetka 60%. To je éfekt dobrégò czëcégò sã rëbów w Bôłce.

Wicy jak 100 dozéraczków z Pòmòrzégò witro wezmie ùdzél òglowòpòlsczim protesce w Warszawie. Chcą biôtkòwac ò robòtniczé prawa ë dac peticjã Minystrowi Zdrowégò. Trzëdniowi protest w Warszawie òrganizëją trzë związkòwi centrale: NSZZ Solidarnosc, OPZZ i Fòrum Fachòwëch Związków. Witro mają bëc pòkôzczi przed miedzë jinszima Minysterstwã Zdrowégò. Jak związkòwcë nôpisalë w òrganizacjowim kòmùnikace – chcą pòkazac niezadowolnienié z procëmrobòtniczi pòliticzi rządù, a téż, jich zdanim, lëchich rozwiązaniów tikającëch sã elasticznégò czasu robòtë, minymalnégò mita, ë pòdnieseniégò emeritalnégò czasu. w protesce wezmie ùdzél wicy jak 100 dozéraczków z Pòmòrzégò. Do Warszawë pòjadą dzysô w nocë z bòlecë w Wejrowie.

W Serkòjcach òd wczora mòżna òbzerôc wëstôwk ò kaszëbsczi partizantce – Krëjamny Wòjskòwi Òrganizacje „Pòmòrsczi Grif”. Òrganizatorã je dzél edùkacjowò-nôùkòwi gduńsczégò Òddzélu Jinstitutu Nôrodny Pamiãcë. Chcemë przëbôczëc, że Pòmòrsczi Grif béł òb czas drëdżi swiatowi wòjnë nôwiãkszą na Pòmòrzim niezônôleżną pòdzemną òrganizacją partizancką. Wëstôwk przërëchtowała Barbara Mãczikòwskô z JNP. Na piãtnôstu panelach òstało pòkôzany zôczątk, dzejalnotã i przédné pòstacëje Grifa, a téż represje, jaczé pòtakłe nôleżników ti òrganizacje pò 1945 rokù. Prezenterowóny material òstôł wzãti nie blós z archiwów państwòwich jinstitucjów, ale téż z priwatnych zbiérków – gôdô Emilia Recłôw z gminowégò òstrzôdka kùlturë w Serkòjcach. Wëstôwk òbzerac mòżnô w Gminowim Òstrzôdkù Kùlturë w Serkòjcach do kùńca séwnika.

Udostępnij: 00

Tagi: Ogólnopolski prostest pielęgniarek, Porozmawiajmy o budżecie Kościerzyny, Zakaz połowów śledzia

O zespole

Pioter Cëskòwsczi